Nova convocatoria para as competencias clave

 



A Xunta convocou, a través do Diario Oficial de Galicia (DOG), as probas de avaliación en competencias clave para que as persoas que non posúen a Educación Secundaria Obrigatoria (ESO) ou o Bacharelato poidan acreditar os seus coñecementos, acceder á formación para o emprego e cursar os certificados de profesionalidade que requiren deses requisitos académicos.

A presentación de solicitudes finalizará o próximo 7 de abril de 2022 e pode realizarse a través da Sede electrónica da Xunta (código de procedemento TR306A). 

Os exames nos que se valorarán as competencias das personas participantes en matemáticas, lingua castellana, lingua galega e inglés, terán lugar a finais do mes de xuño no Recinto Feiral de Silleda (Pontevedra).

Na biblioteca podedes atopar asesoramento sobre a inscrición, o procedemento, as materias, etc.

Toda a información pode consultarse en https://empregoeigualdade.xunta.gal/formacion/competencias-clave


Comentarios

Publicar un comentario

Entradas populares de este blog

Novo servizo de mensaxería

Imagen
Poñemos en marcha un novo servizo de difusión das actividades da biblioteca a través do WhatsApp 607 49 44 39 Trátase dunha canle unidireccional: servirá só para que dende a biblioteca enviemos información das actividades, cambios de horario, novidades no catálogo, etc e non servirá para atender demandas, queixas ou suxestións. Para recibir información a través do Servizo de WhatsApp da biblioteca de Esgos debe seguir estes 3 pasos: Enviarnos os seus datos mediante o presente formulario Agregar na lista de contactos do seu móbil o número de teléfono 607494439 por exemplo co nome "biblioteca Esgos" Enviar unha mensaxe ao contacto creado ("biblioteca Esgos") co texto "ALTA nome e apelidos". Se nalgún momento quixese darse de baixa do servizo, bastará comunicalo a través do mesmo formulario e será borrado da lista de difusión. No caso de persoas menores de 14 anos deberá outorgar o seu permiso o pai, nai ou titor do menor.
Leer más

Nova imaxe e servizos da Rede de Bibliotecas de Galicia

Imagen
A partir de hoxe 31 de xaneiro a Rede de Bibliotecas de Galicia estrea nova imaxe e novos servizos: 1. Nova imaxe corporativa da Rede de Bibliotecas de Galicia: 2. Nova web da Rede de Bibliotecas:  https://rbgalicia.xunta.gal/es 3. Novo deseño do carné único da rede. Os carnés que tedes poden seguir usándose, pero os que se impriman a partir de hoxe levarán este novo diseño: 4. Carné dixital Todos os carnés terán a súa versión dixital e poderán descargarse no móbil.  Os usuarios que tedes carné da biblioteca, xa tedes automáticamente o carné dixital. Máis información sobre o carné da biblioteca en  eiquí 5. Aplicación móbil da Rede de Bibliotecas de Galicia Poderás descargar no teu móbil a app da Rede de Bibliotecas de Galicia dende onde poderás reservar libros, renovar préstamos e levar sempre o teu carné dixital entre outros moitos servizos. Máis información sobre a nova app eiquí 6. GaliciaLe+
Leer más

Novidades de marzo

Imagen
Engadimos ao catálogo da biblioteca algunhas novidades editoriais e outros libros que nos parece poden resultar interesantes:  Comic de "Zipi y Zape" e "Moradelo y Filemón", que nunca pasan de moda. A nova novela de Máximo Huerta, París depertaba tarde.  La sociedad de la nieve, na que se basa a película candidata aos Oscar. Los virus no entran por los pies, obra que derruba todos os mitos que escoitamos durante décadas sobre a saúde física e mental de nenos e familias A ferida imaxinaria, de Berta Dávila La niña del vestido de flores, que narra as aventuras dunha nena con TEA. Xa o tiñamos en galego. E por suposto, algo de xardinería e hortas, que sabemos que vos gustan moito.
Leer más