Biblioteca Pública de Esgos

Comezamos a decorar a biblioteca para o Samaín... Lembrade que o venres 29 celebraremos o noso particular Samaín , co percorrido polas casas e a visita á residencia de maiores de Esgos.

O 30 de outubro do ano 1920 saía á luz en Ourense o primeiro número da revista Nós. Esta publicación, escrita en galego, foi promovida por intelectuais clave da historia de Galicia, integrantes do Grupo Nós: Vicente Risco como director, Daniel Alfonso R. Castelao como director artístico, Ramón Otero Pedrayo, Florentino López Cuevillas e Antón Losada Diéguez, entre outros. Os seus impulsores procuraron a través das páxinas da revista difundir e dignificar a realidade cultural de Galicia e da lingua galega. O seu compromiso co idioma lévaos a utilizar o galego para tratar diversos temas de actualidade, máis alá do ámbito literario e para a publicidade das súas páxinas, con deseños elaborados polos propios membros da publicación. Os números da revista están dispoñibles para a súa consulta na biblioteca nun recopilatorio e tamén poden consultarse online en  https://revistanos.galiciana.gal/es

O Concello de Esgos organiza un taller de reciclaxe de latas para promover o empoderamento da muller a través da creatividade. Nestes talleres, ademais de practicar técnicas coma o decoupage aproveitaremos para coñecer a nosa historia. 28 de outubro ás 16:30h 4 de novembro ás 16:30h 24 de novembro ás 10:30 h. Totalmente recomendable! Animádevos a participar!

  🎃🎃 O venres 29 de outubro voltamos a celebrar o SAMAIN co percorrido dos nenos e nenas polas casas dos veciños. 🎃🎃 Para participar é imprescindible: 1. Inscribir aos nenos e nenas na biblioteca antes do mércores 27. 2. Colaborar coa organización ou con algún dos veciños que nos abren as súas casas.

Os segredos de Teresa , ambientada en San Pedro de Rocas, xa está dispoñible na biblioteca. Trátase da primeira novela de Oscar Guzmán, que traballa nunha brigada de zonas verdes da Deputación. Tralo confinamento, atopou a inspiración traballando no entorno de San Pedro de Rocas e pouco a pouco lle deu forma ata culminar nesta novela de intriga. Na páxina web da novela onde atoparedes vídeos, información, música da novela e outros elementos que farán a lectura máis amena. 

´Tarde de cine para conmemorar o día da Muller Rural. Domingo 17 de outubro ás 18:00h Centro cultural Parada Justel Entrada de balde.

A asociación de mulleres "Os Picotiños" retoma os cursos, que comezarán o 18 de outubro. Ximnasia de mantemento: luns e mércores de 16:30 a 17:30 h GAP: martes de 20:30 a 21:30h Ioga: xoves de 20:30 a 21:30h Pandeireta: xoves de 18:00 a 19:30h