Día de Rosalía de Castro

Hoxe é o Día de Rosalía de Castro. E queremos homenaxear a unha das grandes autoras en lingua galega lembrando un dos seus poemas:

Cando penso que te fuches 

negra sombra que me asombras, 

ó pe dos meus cabezales 

tornas facéndome mofa. 

Cando maxino que es ida 

no mesmo sol te me amostras 

i eres a estrela que brila 

i eres o vento que zoa. 

Si cantan, es ti que cantas 

si choran, es ti que choras 

i es o marmurio do río 

i es a noite, i es a aurora. 

En todo estás e ti es todo 

pra min i en min mesma moras,

nin me abandonarás nunca, 

sombra que sempre me asombras.

Follas Novas, 1880

Na biblioteca temos varios libros de Rosalía de Castro que están agardándovos.