Biblioteca Pública de Esgos

Dende o Concello coa Fundación Cibervoluntarios propoñemos formacións gratuitas en competencias dixitais para o vindeiro ano.  Propoñemos 2 cursos: Ocio dixital e Tecnoloxía e Benestar. Cada curso ten unha duración de 12 horas que se repartirán en 4 días (3 horas/día) Os cursos están destinados á poboación en xeral de entre 18 e 59 anos e tamén ás persoas maiores de 60 anos.  Para que se poida celebrar algún dos cursos necesítase un mínimo de 8 participantes inscritos con antelación polo que as persoas interesadas deberán inscribirse na biblioteca o antes posible. Máis info na biblioteca.  

  Dixitalización nas áreas rurais: Empoderando á mocidade como axentes de cambio. Reducindo a fenda dixital en Lugo e Ourense coa mocidade O proxecto Conecta Rural xorde ante a fenda dixital que afecta ás zonas rurais do interior de Galicia, especialmente nas provincias de Lugo e Ourense. Destinatarios: Mozos e mozas de 16 a 30 anos de ESGOS - GUNTÍN - PALAS DE REI - SAN CIBRAO DAS VIÑAS - SAMOS Inscricións na web: https://www.lugopenfactory.com/gl/register/ Consúltanos a través de email: benvida@lugopenfactory.com ou envíanos un WhatsApp ao número 620 78 98 35

Para conmemorar o 25N  (Día Internacional para a eliminación da violencia contra as mulleres) dende a biblioteca propoñemos unha serie de libros para todas as idades.  Poderás atopar libros libros educativos, novelas, casos reais e contos infantís. Ler é unha ferramenta poderosa para previr a violencia de xénero dende a infancia ata a idade adulta, porque fomenta a empatía, axuda a identificar situacións de maltrato e promove a igualdade. 

  Clase de autodefensa para mulleres da man de Lorena Gómez Cid. Non se require unha determinada condición física nin hai límite de idade, só ter ganas de aprender e pasalo ben!! Sábado 29 de novembro de 11:00 a 13:00h no Centro Cultural Parada Justel. Inscricións nos Servizos Sociais do Concello ou na biblioteca. Esta actividade forma parte da programación do concello para o mes de novembro, no que conmemoramos o Día Internacional da elimininación da violencia de xénero.

Un Nadal máis a Agrupación de Voluntarios de Protección Civil do Concello de Esgos súmanse a campaña de recollida de alimentos nos perecedeiros "Por un Nadal Feliz para tod@s", organizada por O Voluntariado de Protección Civil en Ourense  a favor do Banco de Alimentos de Ourense. Podes contrubuir na recollida entregando alimentos nos pereceiros nos puntos de recollida situados no Concello, na biblioteca, nos bares e tendas marcados co cartel da campaña. Ademais, voluntariados de protección civil farán como o ano pasado un percorrido polos diferentes pobos para a recollida de alimentos.

A Garda Civil ofrecerá dúas charlas sobre o “Plan Maior de Seguridade” no Concello de Esgos organizadas polos Servizos Sociais do Concello. Centro Cultural Parada Justel (Esgos): mércores 19 de novembro ás 18:30h Local social de Pardeconde: Xoves 27 de novembro ás 17:30h O «Plan Maior Seguridade» é unha iniciativa do Ministerio do Interior de España que ten como obxectivo principal previr as principais ameazas que afectan á seguridade das persoas maiores e que busca fomentar a confianza das persoas maiores nas Forzas e Corpos de Seguridade do Estado. Nestes encontros, proporciónanse consellos prácticos para previr estafas, roubos e outros delitos comúns, ademais de ofrecer pautas claras sobre como actuar en caso de ser vítima dun delito.