Biblioteca Pública de Esgos

  Co fin de achegar o funcionamento da administración electrónica á cidadanía o Concello de Esgos solicitará á Subdelegación do Goberno unha nova xornada de "A administración preto de ti". Para poder levala a cabo é preciso un mínimo de asistentes polo que as persoas interesadas deberán inscribirse nas oficinas municipais ou na biblioteca. A xornada celebrarase en horario de mañá. Os asistentes que o desexen e acudan o día da xornada co DNI en vigor poderán obter “in situ” o certificado dixital e a clave permanente para a realización de trámites perante as administracións públicas evitando así desprazamentos, esperas innecesarias e citas previas. Exemplos de trámites que se poden realizar co certificado dixital: Solicitar e tramitar subvencións Solicitar ou calcular a idade de xubilación Solicitar o Bono Cultural Joven Solicitar a tarxeta sanitaria europea Obter o informe de vida laboral Consultar o saldo de puntos do carné de conducir Solicitar a prestación por desempleo ou ...

Visto o éxito que tiveron as clasificacións de lectores e usuarios  da biblioteca máis activos do ano coas que quixemos homenaxealos polo Día do usuario/a das bibliotecas (11 de xaneiro), propoñémosvos un reto: Todos os usuarios adultos ou infantís que lean ao longo de 2025 máis de 15 libros do catálogo da biblioteca municipal recibirán ademais do recoñecemento público, un diploma e o usuario con máis lecturas recibirá un premio. Anímaste a participar? Apúntate na biblioteca aos "Lectores de honra".

O sábado pasado do gallo do “Día dos usuarios das bibliotecas” publicamos unha clasificación cos usuarios que máis libros levaron en préstamo durante o 2024  e hoxe queremos recoñecer tamén aos usuarios e usuarias que máis veces acudiron á biblioteca no último ano:

A Biblioteca Municipal de Esgos prestou ao longo do ano pasado 855 libros, o que supón un incremento do 34% con respecto ao ano 2023. Mañá sábado, 11 de xaneiro, celébrase o “Día dos usuarios das bibliotecas”, unha xornada de recoñecemento ás persoas usuarias que son parte imprescindible deste servizo público que ten como principal misión favorecer o acceso á lectura e á información da cidadanía. Dende a nosa biblioteca queremos recoñecer aos lectores que máis libros levaron en préstamos durante o pasado ano: Entre os adultos destan 3 mulleres: Rita e Loli de Esgos e Andrea, veciña de Castro Caldelas. E nos usuarios infantís: Dana, Roi e Arnoia. Ademais, hoxe venres queremos agasallar aos usuarios que acudan á biblioteca con caramelos e a prensa local.