Biblioteca Pública de Esgos

A piques de comezar o mes de decembro queremos compartir con vós un par de cousiñas: Unha usuaria habitual da biblioteca tróuxonos este agasallo para decorar a biblioteca: Un ano máis colaboramos con Protección Civil na campaña de recolecta de alimentos "Por un Nadal feliz para todos" e xa temos instalada na biblioteca a caixa da recollida. Así que se estes días pasades pola biblioteca para entregar ou recoller algún libro, non vos esquezades de colaborar con algún alimento non perecedeiro. Ademais ampliamos o catálogo con algunhas novidades editoriais coma estas:  

Achégate ata a biblioteca para ver a exposición "á violencia de xénero dille non" da Secretaría Xeral de Igualdade da Xunta de Galicia. Consta de 12 láminas moi interesantes e estará dispoñible ata o día 20 de novembro

Na biblioteca andamos a preparar unha selección de libros sobre feminismo, violencia de xénero... para conmemorar o 25-N Día Internacional para a eliminación da violencia de xénero. Os préstamos destes libros irán acompañados dun dulce agasallo

Actividades para conmemorar o 25-N Día Internacional da Eliminación da Violencia de Xénero na biblioteca municipal: EXPOSICIÓN “Á violencia de xénero dille non!” Do 8 ao 20 de novembro na Biblioteca Municipal ESTANTE VIOLETA Selección de libros sobre violencia contra as mulleres e de temática feminista na biblioteca Ademais o Concello organiza outras actividades: AUTODEFENSA Obradoiro de autodefensa para mulleres. Sábado 30 de novembro ás 11:00h no Centro Cultural Parada Justel. Inscricións nos Servizos Sociais do Concello. MOSTRA “Romper o silencio”. Escolma de frases contra a violencia de xénero recompiladas dende os Servizos Sociais do Concello á que podes sumarte deixando a túa escrita. Xardín do concello do 18 ao 30 de novembro