Biblioteca Pública de Esgos

Dende o Concello de Esgos manifestamos o noso rexeitamento ante todo tipo de violencia, e de xeito específico, o noso compromiso coa erradicación da violencia exercida contra as mulleres. Os establecementos do noso concello únense a nós para visibilizar a pandemia da violencia machista lucindo MASCARAS VIOLETAS.

A Consellería de Cultura, Educación e Universidade distribuirá máscaras gratuitas entre o alumnado matriculado en educación primaria, educación secundaria obrigatoria e educación especial en centros docentes públicos dependentes da consellería de Cultura e en centros privados concertados. Beneficiarios: - O alumnado que xa fose beneficiario da axuda para adquirir material escolar. - O alumnado que non fose beneficiario da axuda para adquirir material escolar pero: a) Pertenza a familias cunha renda per cápita igual ou inferior a 6.000 €. b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar Prazo: Do 16 ao 27 de novembro Solicitudes:  Nos centros educativos A información completa pode consultarse no DOG 

O concello de Esgos pon en marcha un novo servizo de préstamo de ordenadores dirixido a nenos e nenas que non dispoñan de ordenador, e que por enfermidade ou confinamento por covid o precisen para seguir a súa formación académica dende os seus fogares. Este servizo englóbase proxecto "Material tecnolóxico nas escolas rurais de Adercou" Ademais tamén seguiremos ofrecendo dende a biblioteca o servizo de impresión de tarefas escolares.

Buscar un exemplar no catálodo da biblioteca é moi sinxelo. A continuación detallamos como buscar en só 3 pasos:  1. Entrar en: https://catalogo-rbgalicia.xunta.gal/ 2. Podemos buscar por autor, título, palabra clave... elixindo no despregable a opción que queiramos.  No recadro que indica "escriba o termo de busca" escribimos o que estamos a buscar e no recadro que indica "comece a escribir o nome da biblioteca" escribimos "Esgos" e eliximos a biblioteca de Esgos (Se non indicamos a biblioteca, buscará en todas as bibliotecas da rede). Por exemplo, supoñamos que queremos buscar un libro sobre plantas medicinais na biblioteca de Esgos: 3. Prememos en buscar e aparecerá un listado cos libros dispoñibles: Y si no encuentras lo que buscas, no dudes en preguntarnos

Para celebrar o Samaín decoramos un pouco a biblioteca. E o 31 pola tarde/noite a "Santa Compaña" repartíu pequenos agasallos doces aos nenos e nenas que adornaron as súas casas.